Ashtu si në të gjithë vendin edhe në Elbasan çmimet e shitjes së apartamenteve, në dy vitet e fundit, kanë pësuar rritje, e cila varion nga 20-30%.
Zonat më të preferuara konsiderohen qendra e qytetit dhe lagjja historike “Kala” ku çmimet variojnë 700-800 euro për metër katror.
“Kërkesat më të larta janë për banesa të vogla”, thotë agjenti imobiliar Eluert Dika.
Specialistët e fushës shohin një rritje të interesit për të investuar në pasuri të paluajtshme në zonat turistike.
“Interesin më të lartë e përbën lagja muzeale “Kala”, ku kërkesat pas prezantimit të projektit të rijetëzimit janë shumëfishuar”, sqaron Dika.
Ndërkohë në zonat turistike malore si Bysheku, Gjinari, Funari, vëmendja është përqendruar te ndërtimi i shtëpizave me fokus turizmin.
Edhe afërsia me kryeqytetin ka ndikuar që kërkesat për pasuri të paluajtshme në Elbasan të jenë të larta./vizionplus.tv
