Interi është skuadra e parë gjysmëfinaliste e kupës së Italisë.Zikaltrit fituan derbin me Milanin me përmbysje, mes tensionit dhe episodeve të gjykimit që sollën jo pak polemika. Në një sfide të vetme sic është formula aktuale e kupës së italisë të paktën deri në cerekfinale, derbi i Milanos që vuri përballë edhe dy ekipet më të mira të kampionati, pati gjithcka brenda, madje doli jashtë parashikimeve. Zlatan Ibrahimovic ishte engjell dhe djall për kuqezinjte. Suedezi shënoi golin e avantazhit në minutën 31, duke tregiar aftësitë e tij të jashtëzakonshme prej goleadori duke zhbllokuar sfiden që kishte parë për protagonist edhe porterin e dytë të kuqezinjte Tararushanu. Por në fund të pjesës së parë vjen episodi që ndryshon jo pak ndeshjen. Lukaku përplaset me Romanjolin për një ndërhyrje të këtij të fundit. Tensioni përfshin lojtarët e dy ekipeve, ku shquhet përplasja fizike dhe pastaj verbale mes Lukakut dhe Ibrahimovicit. Media italiane pas ndeshjes nxorri në skenë fjalë të rënda mes dy gjigandeve deri edhe kërcënime për jeten pasi ekipet u futën në dhomat e zhveshjes. Gjyqtari cuditërisht u mjaftua vetëm me kartona të verdhe, ndeshkim që rezultoi fatal për suedezin I cili në minutën e 58 merr të verdhin e dytë dhe lë Milanin me 10 lojtarë. Gjë e cila i hap rrugë Interit të dominojë ndeshjen dhe ta përmbysë. Fillimisht me një 11-metërsh të kontestuar të kthyer në gol nga Lukaku në minutëne 71 dhe pastaj në minutën e 7 shtesë nga 10 të tilla që u dhanë ishte Eriksen që me një perlë nuk lejoi sfiden të shkonte në kohën shtesë duke kualifikuar Interin në gjysmëfinale.
