Antonio Conte po mendon të bëj një përforcim për sulmin e Inter duke parë se Lautaro Martinez shihet çdo ditë e më larg Inter.
Trajneri zikaltër ka si objektiv kryesor titullin kampion të Serie A pasi mungon që nga viti 2010 dhe është një mungesë shumë e madhe. “Calcio Mercato” ka dhënë hipotezën më të fundit për sulmin e Inter. Trajneri italian kërkon të ketë në organikën e tij francezin Anthony Martial që shihet si një lojtar me shumë potencial për të ardhmen.
Manchester United e vlerëson lojtarin 60 milionë Euro dhe është një shifër vërtet e lartë. Hipoteza e fundit është mbrojtësi Milan Skriniar që mund të përfshihet në këtë marrëveshje për një ulje të cmimit. Mbrojtësi pëlqehet shumë nga anglezët por asgjë nuk është zyrtare për këtë shkëmbim.