Inter mban “peng” Lautaron, Barcelona mendon për një tjetër bomber

Lautaro Martinez mbetet objektivi kryesor i merkatos së Barcelonës pavaresisht se po has në rezistencen e Interit. Klubi zikalter po pret një ofertë më serioze, kështu që Barcelona në rast se nuk plotëson kushtet financiare të italianëve, duhet të mendojë për një opsion tjetër. Drejtuesit katalanas kanë si alternativë konkrete  sulmuesin e Paris Saint Germain, Edison Cavani. 33 vjecari uruguajan do të largohet nga parizienët si futbollist i lirë në përfundim të sezonit. Por edhe në këtë pistë, katalanasit mund të kenë goxha konkurence pasi Cavani pëlqehet edhe nga klube të tjera. Mes tyre janë edhe rivalet e mëdhenj të La Ligës, Atletico Madrid.