Inter arriti fitoren e pare ne kampionat nen drejtimin e teknikut Frank De Bur. Ne Adriatiko zikalterit arritën te largohen me tre piket vetëm ne minutat shtese, duke fituar 2-1 përballe vendasve te Peskares, ne ndeshjen e vlefshme per javën e trete te serisë A. Pas nje pjese te pare te mbyllur pa gola, ishin ne fakt vendasit qe zhbllokuan rezultatin me zëvendësuesin Bahebek ne minutën e 63. Miqtë u hodhën ne sulm dhe ne minutën e 77 pas nje pasimi te Banega, ishte Ikardi qe ktheu gjithçka ne baraspeshe. Atëherë kur mendohej se skuadrat do te largoheshin me nga nje pike secila, ishte përsëri kapiteni argjentinas ne minutën e pare te shtesës qe përmbysi rezultatin, duke i dhëne tre pike Interit. Ledian Memushaj ishte ne fushe gjate gjithë kohes per Peskaren, duke bere nje paraqitje shume te mire ndërkohe Rey Manaj nuk u aktivizua, duke qëndruar ne stolin e rezervave.

Qe ne ndeshjen e tij te pare Marko Baloteli është mbreti i Nises. Ne debutimin e tij, sulmuesi i talentuar italian arriti te shënonte dopiete ne fitoren3-2 qe nis arriti ndaj Marsejës ne javën e katërt te kampionatit francez. Baloteli gjeti rrjetën qe ne minutën e 7 nga pika e bardhe e penalltisë, por marsejezet barazuan 7 minuta me vone me Toven. Miqtë ne minutën e 72 kaluan per here te pare ne avantazh kur ne nje tjetër penallti Gomis shënoi golin e dyte. Por te zotet e shtëpisë reaguan menjëherë dhe ne minutën e 77 Baloteli shënoi golin e dyte personal. Një mbrëmje me te vërtete impresionuese per 26 vjecarin qe ne ketë ndeshje tregoi nje kondicion te mire fizik dhe nje bashkëpunim me shokët e skuadrës, duke mare vlerësimin maksimal nga mediat franceze. Goli i fitores per Nis u shënua nga Ciprien ne minutën e 87, ndërsa me këto tre pike kryeson kampionatin se bashku me Monako.

Leave a Reply

Your email address will not be published.