Inteligjenca amerikane mbetet e ndarë mbi origjinën e saktë të koronavirusit, duke lënë të hapur pyetjen nëse një incident i laboratorit kinez duhet fajësuar, sipas një raporti të deklasifikuar.
Raporti vëren se virusi SARS-CoV-2 nuk u zhvillua si një “armë biologjike”.
Një nga shërbimet e inteligjencës vlerëson se infeksioni i parë njerëzor ka shumë të ngjarë të jetë shkaktuar nga një aksident në një laborator. Por tre të tjerë thonë se nuk kanë qenë në gjendje të arrijnë në një përfundim dhe se disa analistë favorizojnë “origjinën natyrore” të virusit dhe të tjerët “laboratorin”.
Pa informacion të ri, është e pamundur të japësh një shpjegim përfundimtar për origjinën e Covid-19. Do të duhej bashkëpunimi i Kinës për ta bërë këtë, por Pekini po “bllokon” hetimin, vazhdon teksti.
