Inflacioni për muajin qershorin
Edhe pse arsimi, ushqimet dhe duhani janë rritur ndjeshëm gjate qershorit, inflacioni vijon te rezultojë i ulet. INSTAT ka publikuar ketë indeks per muajin qe shkoi dhe vërehet nje rritje stratosferike e çmimit te frutave me 16%, ndërsa zarzavatet me 7%. Rritja e çmimeve te shportës me sa duket po ndikon qe ta çoje drejt stabilizimit inflacionin, i cili ne muajt e pare te vitit rrezikoi te shkonte afër nivelit 0. Tregjet globale vijojnë te ndikojnë negativisht dhe rënia e naftës ka bere qe per qershorin niveli i tij te jete 1.2% shume larg vlerës qe parashikon Banka e Shqipërisë. Ne ekonomitë e vendeve ne zhvillim, ky indeks kërkohet te jete afër nivelit 3%, çka tregon se konsumi është gjallëruar, por ne Shqipëri interesi vijon te mbetet për te blere mallrat baze.
