Një grua 73 vjeçare në shtetin jugor Indian të Andhra Pradesh është bërë nënë e dy vajzave binjake.
73 vjeçarja lindi të enjten ndërsa mjekët deklaruan se si nëna ashtu edhe vajzat janë në gjendje të mirë.
“Nëna dhe foshnjat po shkojnë mirë,” i tha Dr. Uma Sankar për BBC Telugu.
Mangayamma Yaramati tha se ajo dhe burri i saj, i cili është 82 vjeç, gjithmonë kanë dashur fëmijë, por nuk kanë qenë në gjendje që t’u jepnin jetë deri më tani.
“Ne jemi jashtëzakonisht të lumtur”, tha burri i saj Sitarama Rajarao për BBC Telugu të enjten, disa orë pasi lindën foshnjat.
Por vetëm një ditë më vonë, Rajarao pësoi një goditje të papritur dhe aktualisht po trajtohet në spital.
“Asgjë nuk është në duart tona. Çfarëdo që të ndodhë do të ndodhë. Është gjithçka në duart e Zotit”, deklaroi z. Rajarao kur u pyet nëse do të mund të kujdeseshin për fëmijët në rast se ndonjë gjë e papritur do t’i ndodhte çiftit, për shkak të moshës së tyre.
