Incidenti pranë zyrës elektorale, reagon PSD: Asnjë nga anëtarët tanë nuk ka qenë i përfshirë në konflikt
Një incident është regjistruar në zonën e Ali Demit në Tiranë pranë zyrave të Partisë Socialdemokrate.
Disa të rinj janë përplasur me njëri-tjetrin. PSD, në një reagim zyrtar thekson se ngjarja nuk ka lidhje me zyrën elektorale apo aktivitet të PSD dhe se asnjë nga anëtarët apo simpatizantët nuk ka qenë i përfshirë në konflikt.
“Partia Socialdemokrate sqaron opinionin publik se ngjarja e ndodhur këtë mesditë në rrugën “Ali Demi”, nuk ka asnjë lidhje me zyrën tonë elektorale apo me aktivitetin e Partisë Socialdemokrate.
Vendi ku ka ndodhur incidenti ndodhet pranë ambienteve tona, por asnjë nga anëtarët apo simpatizantët tanë nuk ka qenë i përfshirë në konfliktin në fjalë. Dënojmë çdo akt dhune dhe presim që organet kompetente të sqarojnë plotësisht rrethanat e ngjarjes”, shkruhet në reagimin e PSD.
/vizionplus.tv
