Degjeneron në dhunë protesta paqësore që nisi në qytetin e Korcës për vrasjen e Klodian Rashës, 25-vjeçari që u vra dy ditë më parë nga një efektiv policie.
Qindra qytetarë, nisën protestën e tyre fillimisht tek Drejtoria e Policisë së Qarkut të Korçës. Nga aty, protestuesit, kanë ecur drej bulevardit të qytetit, për t’u pozicionuar më pas tek Bashkia e qytetit, ku nuk munguan edhe aktet e dhunës, ku mbeti i plagosur shefi i Rendit të Komisariatit të Korçës, Maringlen Jacellari dhe dy policë.
Protestuesit kanë thyer xhamat e Bashkisë, si dhe kanë prishur dekoret festive.
Ndërkohë, uniformat blu kanë shoqëruar në Komisariatin e Korçës organizatorët e kësaj protese.
