Inceneratori i Fierit s’ka lekë, punonjësit katër muaj pa rroga

30 punonjës të inceneratorit të Fierit kanë 4 muaj pa marrë pagat, ndërsa prej rreth 1 muaji, impianti është marrë nën administrim nga shteti.

Për tre rroga të pamarra, inceneratori ishte nën menaxhimin e privatit, ndërsa muajin e fundit punëtorëve u është thënë se do të paguhen nga shteti, pasi inceneratori i ka kaluar nën administrimin zyrës për menaxhimin e pronave të sekuestruara.

Punonjësit thonë se janë zhytur në borxhe dhe nëse nuk marrin rrogat, ata do të bllokojnë portat e inceneratorit duke penguar depozitimin e mbetjeve.