Deputeti i Partisë Demokratike, Oerd Bylykbashi, në një intervistë për Vizion Plus ka folur lidhur me refuzimin e mazhorancës për debat lidhur me afërn e inceneratorëve të kërkuar nga opozita.
Sot keni zgjedhur të bëni një betejë në parlament për çështjen e inceneratorëe edhe pse mocioni për debat u rrëzua nga mazhoranca. Përse një zgjedhje e tillë?
“Dihej që Edi Rama nuk do të pranojë kurrë një debat, ku do të dalin të gjitha aspektet e një skandali, i cili ka përmasa të jashtëzakonshme. Autopsia e këtij skandali është autopsia e një qeverisjeje mafioze. Nuk është më hipotetike, nuk është më në akuzat e hershme, tanimë akuzat i ka Prokuroria, janë 2 ministra që hetohen, njëri është pas hekurave, tjetri në kërkim”, thekson ai duke shtuar se qytetarët ende paguajnë për inceneratorët. “Nëse Edi Rama do të ishte në këtë debat do të jepte shumë llogari, duke filluar se ku është Arben Ahmetaj, zëvendësi i tij, një figurë e rëndësishme në skemën e Edi Ramës për këtë skandal të jashtëzakonshëm. Ky projekt mafioz është më shumë se korruptiv ka filluar në vitin 2014”, thekson ai duke shtuar se kjo tregon synimin e PS për të vjedhur qytetarët që në fillim të pushtetit. “Ka një përpjekje të Edi Ramës në përpjekje edhe të Prokurorisë, në gjykimin tim, për të menaxhuar dëmin, për ta zvogëluar, për ta ndarë në copa. SPAK nuk shpëton dot nga kjo çështje”, nënvizon Bylykbashi.
Ahmetaj ndodhet jashtë Shqipërisë, si e shikoni këtë zgjedhje nga ai?
“Nuk e di nëse është zgjedhje e Ahmetajt apo kur Ahmetaj nuk ishte në Shqipëri u çua në parlament kërkesa, ishte një kërkesë mos u kthe në Shqipëri, nëse t’i nuk kthehesh nuk bie në urg dhe nëse nuk bie në burg nuk detyrohesh të flasësh dhe për rrjedhojë jemi të gjithë të sigurtë”, tha ai duke shtuar se mendon se do ketë të tjerë ministra të akuzuar.
Bylykbashi theksoi se PD do të vijojë me denoncimin e kësaj afere në organet kompetente. Ai shton se Rama do të shkelë çdo rregull për të evituar përballjen me opozitën.
