Presidenti i republikës Ilir Meta është pritur në një takim të veçantë nga kryetarja e dhomës së deputetëve të parlamentit italian Laura Boldrini.
Dy bashkëbiseduesit ranë dakord për nxitjen e iniciativave ligjore, që u hapin rrugën njohjes së kontributit të shqiptarëve që jetojnë në Itali. Meta e Boldrini diskutuan mbi bashkëpunimin rajonal dhe progresin e bërë.
Kreu i shtetit shqiptar vlerësoi rolin dhe kontributin real të Italisë për paqen, stabilitetin dhe integrimin e vendeve të këtij rajoni në Bashkimin Europian.
