Ditën e sotme në Apelin e Posaçëm po mbahet seanca për ish-Presidentin Ilir Meta.
Ai kërkon zbutjen e masës së sigurisë “arrest në burg”, me pretendimin se është i hapur për hetimet e SPAK.
Por nga ana tjetër ky Organ thotë se Meta mund të ndikojë në provat që ata po grumbullojnë, ndaj nuk duhet liruar nga qelia. SPAK ka zgjatur hetimet për ish-Presidentin e vendit dhe ish- bashkëshorten e tij, Monika Kryemadhi deri në tetor të këtij viti.
Apeli e mori në shqyrtim çështjen dhe pretendimet e palëve dhe pritet të dalë me një vendim pasi trupa u tërhoq në dhomë këshillimi.
Ish-Presidenti akuzohet se ka kryer korrupsion, pastrim parash e fshehje të origjinës së tyre në lidhje me dosjet Cez-Dia, lobimin në Shtetet e Bashkuara të Amerikës dhe për shpenzime familjare.
Ndërkohë Monika Kryemadhi është lënë në masën “detyrim paraqitje”./vizionplus.tv
