IKMT, në bashkëpunim me Policinë e Shtetit konstatuan 11 ndërtime pa leje në zonën e Dhërmiut, të ngritura në kundërshtim edhe me rregullat teknike, pasi ishin vendosur në rërë.
Ndaj këtyre objekteve është ndërhyrë me mjete duke i prishur, ndërsa ndaj pronarëve abuzivë janë marrë masa administrative dhe kryer veprimet procedurale për ndërtime në kundërshtim me ligjin.
IKMT dhe Policia e Shtetit bënë të ditur se aksion do të shtrihet në gjithë bregdetin dhe kudo ku ka ndërtime pa leje.
Ditët e fundit janë prishur ndërtime në bregdet edhe ne zonën e Velipojës, Vlorës dhe Durrësit.