Inspektorati Kombëtar për Mbrojtjen e Territorit kallëzon penalisht kryebashkiakun e Kamzës, Xhelal Mziu. Sipas IKMT, Mziu është bërë pengesë për prishjen e 89 objekteve pa leje, për të cilat kishte vendim prishjeje. Inspektorati bën me dije se pjesa më e madhe e vendimeve për prishje objekti janë marrë në periudhën parazgjedhore, fakt që ngre dyshime të arsyeshme se u është bere favorizim pronareve me qëllim përfitimi elektoral. IKMT kërkon nga Prokuroria e Tiranës, fillimin e procedimit penal ndaj Xhelal Mziut,për veprën penale të “shpërdorimit të detyrës.
