Pronarët e rreth 40 bizneseve pa leje në plazhin e Zvërnecit kanë kundërshtuar vendimin e Inspektoriatit kombëtar të mbrojtjes së territorit për shembjen e objekteve të tyre.
Ata u mblodhën para bashkisë së Vlorës ndërsa e cilësuan aksionin për prishjen e lokaleve si të qëllimshëm. Pronarët akuzuan ikmt se po vepron në kundërshtim me ligjin pasi sipas tyre, nuk u ka paraqitur një vendim zyrtar.
Protesyiest paralajmëruan se nuk do të lejojnë forcat e IKMT që të vijojnë aksionin nëse nuk do të gjejnë një zgjidhje deri ditën e hënë pasi prej vitesh i kanë paguar bashkisë taksa.
Deri më tani, IKMT ka shembur përgjatë gjithë vijës bregdetare mbi 50 objekte pa leje.
