Idrizi: Do preferoja të dilnim bllok me një listë të përbashkët!

Kreu i Partisë Drejtësi Integrim dhe Unitet, z.Shpëtim Idrizi, i ftuar në Spotlight nga Alban Dudushi, në Vizion Plus teksa fliste për koalicionet e krijuara para zgjedhjeve të 25-Prillit u shpreh se do të preferonte që opozita të dilte bllok me një listë të përbashkët.

“Unë do preferoja që siç ishim bashkë bllok gjithë këto vite, ashtu të dilnim edhe në një listë të përbashkët. Praktikisht, këta që kanë dalë i kanë bërë llogaritë më mirë se sa ne. Ne kemi bërë thjeshtë për raportin me PD-në. Për një njeri që e njeh sistemin, absolutisht nuk mund të më thotë që është më mirë dhe merr më shumë mandate, me dy lista të veçanta me të njëjtin qëllim”