Identifikohen e kapën hajdutët e banesave në Korçë
Policia e Korcës finalizoi operacionin e koduar “Banesat”, duke arrestuar në flagrancë shtetasit K.I, 28 vjeç, (i dënuar më parë disa herë për veprën penale “Vjedhja”) dhe K.S, 26 vjeç.
Në gjendje të lirë u procedua penalisht shtetasi A.K, 20 vjeç ndërsa u shpall në kërkim shtetasi T.L, 34 vjeç, banues në Korçë (i dënuar me parë disa herë për veprën penale “Vjedhja”).
Këta shtetas në bashkëpunim me njëri-tjetrin, mendohet të jenë autorë të ngjarjeve të mëposhtme:
Në datë 04.08.2018, është vjedhur banesa e shtetases M.K, në lagjen nr.12, ku është marrë një televizor.
Në datën 16.10.2019, janë vjedhur banesat e shtetasit Th.Ç, dhe shtetases P.G, në lagjen nr.4, ku janë vjedhur tre televizorë dhe tre soba.
Në datën 18.10.2019, është vjedhur banesa e shtetasit I.K, në lagjen nr.1, ku kanë marrë sende dhe orendi të ndryshme shtëpiake.
Shtetasit K.I, A.K dhe T.L, sendet e vjedhura në banesa, të cilat u sekuestruan në cilësinë e provës, i shisnin më pas tek pika e tregtimit të shtetasit K.S., në lagjen nr.8 të qytetit, ndaj së cilës u vendos masa e sekuestros preventive.
