Avokati Kujtim Ibraj tha se Shtetet e Bashkuara të Amerikës nuk ndërtojnë marrëdhënie miqësore personale, por shtetërore, duke theksuar se çdo lider mund t’i interpretojë apo përdorë ftesa të tilla sipas interesit politik.
I ftuar në studion e QUO VADIS në Vizion Plus, avokati u shpreh se ftesa e bërë nga SHBA nuk ndryshon thelbin e marrëdhënieve dypalëshe.
Ai nënvizoi se pavarësisht se kush është në krye të qeverisë, marrëdhënia e Shqipërisë me Shtetet e Bashkuara mbetet konstante.
Sipas Ibrajt, kjo mbështetje do të vijojë edhe në të ardhmen, përfshirë procesin e integrimit europian të Shqipërisë.
Pjesë nga biseda:
Borakaj: Si e ke parë këtë festë?
Ibraj: Amerika nuk krijon marrëdhënie miqësore, por shtetërore. Çdo lider në botë mund ta përdorë si të dojë, por kemi një marrëveshje që gjatë kësaj kohe do ta kuptojmë. Kjo ftesë as e nxeh, as e ftoh marrëdhënien. Veç Amerikës aleat tjetër nuk kemi. Nuk ka aleat për ne si Shtetet e Bashkuara të Amerikës. Është Rama, s’është Rama, SHBA është aleati ynë. Ata na shohin si një vend strategjik. SHBA na kanë ndihmuar dhe suportuar shumë dhe do të na mbështesin edhe në integrimin evropian.
/vizionplus.tv
