Milan zyrtarizon rikthimin në klub të Zlatan Ibrahimovic.
Nëpërmjet një komunikate zyrtare, klubi kuqezi bën të ditur se ka arritur marrëveshje me sulmuesin suedez për 6 muajt në vijim me të drejtë për ta ripërtërirë kontratën edhe për sezonin e ardhshëm.
38 vjecari I lindur në Malmo të Suedisë në 3 tetor 1981, rikthehet tek Milan pas 7 vitesh.
Ai luajti në këtë klub në sezonet 2010-2011 dhe 2011-2012 duke zhvilluar 85 ndeshje falë të cilave shënoi 56 gola.
Në vitin 2011 Milani fitoi kampionatin e 18 në histori dhe të fundit deri më tani dhe Ibrahimovic ishte padiskutim njeriu kyc I atij suksesi. Më pas ai triumfoi me Milan edhe në Superkupën e Italisë po në vitin 2011. Karriera e jashtëzakonshme e suedezit nisi me Malmo për të vijuar pastaj me Ajax, Juventus, Inter, Barcelona, Milan, PSG , Manchester United dhe se fundmi edhe Los Angeles Galaxy.
Në gjithë karrierën e tij në 788 ndeshje të luajtura, Ibra ka shënuar 473 gola duke fituar shumë trofe ekipor dhe individual.
“Po kthehem në një klub që e respektoj pa fund dhe në një qytet që e dua. Do të luftoj me shokët e skuadrës dhe me klubin që të kemi një tjetër marsh në pjesën e mbetur të sezonit për të arritur objektivat e përbashkët, ishin fjalët e para të Ibrahimovic si lojtar I ri I Milanit.
Të enjten më 2 janar 2020, Ibra do të jetë në Milano për testet mjekësore për tiu bashkuar më pas shokëve të rinj të skuadrës.
