Policia e Kosovës ka arrestuar një ndër themeluesit e label-it muzikor “On Air Music”, Kushtrim Morinën, i cili akuzohet për vjedhjen e këngës së Era Istrefit dhe cënim të të drejtave të autorit.
Sipas RTV 21, menaxheri i Erës, Faton Shoshi, ka paditur Kushtrim Morinën, i cili më pas është marrë menjëherë në pyetje nga policia.
Ai ka pranuar se ka përdorur userin e kompanisë dhe ka hyrë në “Content Manager”, ku edhe ka shkarkuar këngën e Erës. Policia ka konfiskuar disa laptopë dhe telefona për të vazhduar hetimet e mëtejshme.
Rikujtojmë se kënga e re e Erës me titull “Redrum”
nuk ka dalë ende në treg, madje këngëtarja ka paralajmëruar lançimin e saj më 24 shkurt.