I shpallur në kërkim ndërkombëtar, kapet fieraku

Policia e Fierit ka vënë në pranga një 51 vjeçar i shpallur në kërkim ndërkombëtar.

Informacionet bëjnë me dije se i ndaluari Mario Mamani ishte dënuar nga Gjykata e Xhenovas/Itali, me 15 vite burgim, si pjestar të grupit të strukturuar kriminal.

Arrestimi i tij është bërë me qëllim ekstradimi drejt Italisë, pasi Gjykata e Xhenovas/Itali e ka dënuar atë me 15 vite burgim për veprat penale “Shfrytëzim prostitucioni”, “Trafik narkotikësh”dhe “Grup i strukturuar kriminal”.