Një 34-vjeçar është arrestuar nga policia e Malit të Zi në pikën kufitare të Kulas pasi ishte shpallur në kërkim ndërkombëtar nga drejtësia franceze.
Sipas njoftimit F.H 34-vjeç u arrestua gjatë tentativës për të kaluar në drejtim të Kosovës.
“F.H është duke u kërkuar nga gjykata në Besançon, Republika e Francës, me dyshimin se ka kryer vepra penale të përgatitjes dhe pjesëmarrjes në vjedhje të rënda në mënyrë të organizuar, vjedhje me thyerje në objekte banesore dhe tregtare, gjatë të cilave ka ndodhur një dëm prej 150 mijë eurosh dhe për të cilin është parashikuar dënim me burg deri në 10 vjet”, thuhet në njoftimin e policisë.
F.H do t’i paraqitet gjyqtarit hetues të Gjykatës së Lartë në Bijelo Polje brenda afatit ligjor.
