I shpallur në kërkim, kapet 30-vjeçari me rrezikshmëri të lartë! Në pranga edhe bashkëpunëtori

Policia e Tiranës ka finalizuar operacionin e koduar “Danger”, duke kapur një 30-vjeçar, Kid Kazazi, me rrezikshmëri të lartë shoqërore, të shpallur në kërkim për vrasje në rrethana cilësuese, mbetur në tentativë, dhe armëmbajtje pa leje.

Në pranga ka rënë edhe një 31-vjeçar, Ferhat Kaja, i dyshuar se ka ndihmuar autorin të fshihej nga policia.

Lexo edhe :

Related Posts

Qëlloi me armë zjarri ndaj një automjeti, ja kush është autori 30-vjeçar! Zbulohet roli i mikut të tij

30-vjeçari ishte shpallur në kërkim pasi më 30 maj 2025, në fshatin Fllakë, Durrës, kishte qëlluar me armë zjarri ndaj një automjeti ku ndodheshin tre shtetas, për motive të dobëta. Për këtë ngjarje, Gjykata e Durrësit i kishte caktuar masën e sigurisë “Arrest në burg”.

NJOFTIMI:

Shërbimet e Komisariatit të Policisë Nr. 2 në vijim të punës për lokalizimin, kapjen dhe vënien përpara përgjegjësisë penale të shtetasve të shpallur në kërkim, bazuar dhe në informacionet e siguruara në rrugë operative, për vendndodhjen e një shtetasi me rrezikshmëri të lartë shoqërore të shpallur në kërkim për tentativë vrasje, organizuan dhe finalizuan operacionin policor të koduar “Danger”.    

Si rezultat i këtij operacioni, në zonën e quajtur “Komuna e Parisit”, është lokalizuar dhe kapur shtetasi K. K., 30 vjeç, banues në Kavajë. Ky shtetas ishte shpallur në kërkim pasi Gjykata e Durrësit i ka caktuar masën e sigurimit personal “Arrest në burg”, për veprën penale “Vrasja në rrethana cilësuese”, mbetur në tentativë dhe “Armëmbajtja pa leje”. 30-vjeçari, me datë 30.05.2025, në Fllakë, për motive të dobëta, ka qëlluar me armë zjarri drejt një automjeti ku udhëtonin 3 shtetas.

Në vijim të operacionit është arrestuar dhe shtetasi F. K., 31 vjeç, i cili ndodhej bashkë me 30-vjeçarin në një automjet. Nga veprimet hetimore ka rezultuar se ky shtetas ka përkrahur dhe ndihmuar 30-vjeçarin të fshihej.

Në momentin e ndalimit 30-vjeçari i ka paraqitur  punonjësve të policisë dy dokumente identifikimi(kartë Id dhe leje drejtimi) me të dhënat e një shtetasi tjetër, të dyshuara të falsifikuara. Ndërsa, gjatë kontrollit fizik 31-vjeçarit i gjetën një sasi municioni luftarak.

Shtetasi K. K, iu kalua DVP Durrës për veprime të mëtejshme.

/vizionplus.tv