Qindra kopshte dhe shkolla fillore në të gjithë Francën do të mbeten të mbyllura deri në fund të javës për shkak të temperaturave të larta që kanë arritur deri në 40 gradë celsius.
I gjithë vendi gjendet në emergjencë kombëtare dhe ka marrë masat për të parandaluar pasojat e motit të nxehtë.
Rryma përvëluese, e pazakontë për muajin qershor, është shkaktuar nga një stuhi që ka sjellë ajër të nxehtë nga veriu i Afrikës në Oqeanin Atlantik dhe po ushtron presion të lartë mbi Evropën qendrore dhe lindore.
Gjermania, Polonia dhe Republika Çeke gjithashtu kanë regjistruar temperaturat më të larta ndonjëherë në muajin qershor, teksa moti i nxehtë pritet të vazhdojë edhe në ditët në vijim.
Në Brandenburg të Gjermanisë, temperaturat kanë arritur në 38.6 gradë Celsius, në Radzhin të Polonisë, 38.2 ndërsa në Doksani të Republikës Çeke, termometri shënoi 38.9 gradë Celsius.
Zyrtarët francezë kanë bërë paralajmërime të forta rreth vapës së pazakontë, që mund tu kushtojë edhe jetën qytetarëve nëse tregohen të pakujdesshëm.
Autoritetet spanjolle po ashtu kanë paralajmëruar për rrezikun nga zjarri në disa zona pyjore.
