Kryeministri Edi Rama në konferencën për vendimin e negosiatave ka komentuar edhe rastin e një të mituri shqiptar që ndodhet në kapet siriane, për të cilin sot mediat kanë bërë jehonë.
Në një emision të mediave italiane, Alvin Berisha, prej kohësh ka mbetur në një nga kampet në Siri, pasi nëna e tij ishte zhvendosur atje si pjesë e organizates terroriste ISIS ku ka mbetur e vrare.
“Jemi këtu në përfundim të gjithë kësaj odiseje për të ndarë të gjithë sëbashku lidhur me mos konsolidimin për të cilin jemi përpjekur të gjithë. Por përpara se të hyj në temën e këshillit evropian dëshiroj të ndaj me të gjithë lidhur me një shqetësim që e kam marrë nga qytetarët mbi një emision të mbrëmshëm të RAI-t. Për fat të keq ai emision drithërues sipas ka lënë të kuptohet se çështja e djalit të mitur është thjesht një çështje e ambasadorit dhe kjo është epavërtetë. Prej disa kohësh kam nxjerrë një urdhër, është material i klasifikuar që s’mund ta ndajmë me publikun. Në bashkëpunim me partnerët amerikanë ne kemi zhvilluar një proces të tërë identifikimi, disponojmë të dhëna mbi identitetin e shumë personave. Tërheqja e tyre nga ato kampe nuk bëhet me ambasada dhe ambasadorë, aksesi është tejet i komplikuar dhe kërkon një komunikim me partnerët, kemi punuar intensiuvisht kemi plan të tërë për të rakorduar me partnerët tanë kryesorë, ka një sërë grupesh të përfshira në këtë proces, dua t’ju them që po të ishte një çështje ambasadash dhe ambasadorësh do të ishin tërhequr individët atje sidomos gratë dhe fëmijët”.
