Kryeministri i Britanisë së Madhe, Boris Johnson është dërguar të dielën në spital. Sipas BBC, shtrimi i tij në spital erdhi pas simptomave të vazhdueshme të koronavirusit që kishte.
Sipas zëdhënëses së tij, dërgimi në spital e ka këshilluar vetë mjeku i kryeministrit për të parandaluar një përkeqësim të mundshëm të gjendjes shëndetësore. Nga ana tjetër, ajo i bëri thirrje qytetarëve britanikë që të vijojnë të zbatojnë masat.
“Kryeministri falënderon stafin e Shërbimit Kombëtar të Shëndetit për punën e tyre të jashtëzakonshme dhe e nxit publikun që të vazhdojë të ndjekë këshillat e qeverisë për të qëndruar në shtëpi.”
Boris Johnson u konfirmua pozitiv me COVID-19 në datën 27 mars, ndërsa më pas u dha lajmi edhe e fejuara e tij Carrie Symons është infektuar. Ajo pret edhe një fëmijë.
