Një 20-vjeçar ka rënë në prangat e policisë së Vlorës, pasi është ndaluar duke drejtuar automjetin në gjendje të dehur.
Bëhet me dije se në pranga u vu Elio Tushaj, 20 vjeç, banues në Tiranë.
Arrestimi i tij u bë pasi ky shtetas u kap në aksin rrugor Vlorë – Sarandë pranë “Porto Palermos” duke drejtuar nën efektin e pijeve alkoolike automjetin e markës “Skoda” me targa AA 139 SY, si dhe ka goditur një automjet tjetër tip “Peugeot” me drejtues shtetasin D.Z, që po udhëtonte me bashkëshorten dhe fëmijën e tij, të cilët janë jashtë rrezikut për jetën.
