Policia e Fierit, i ka vënë prangat një 45-vjeçari pasi kishte marrë njoftim në rrugë operative se ky shtetas nën efektin e alkoolit, qarkullonte me armë zjarri.

 

Arrestimi në flagrancë i Gentian Tepelena u bë në operacionin e koduar “Baruti”.

 

“Gentian Tepelena, 45 vjeç, banues në Fier, për veprën penale “Mbajtja pa leje e armëve, armëve shpërthyese dhe i municionit”, pasi gjatë kontrollit fizik nga shërbimet e Policisë, iu gjet dhe iu sekuestrua një armë zjarri pistoletë me fishek në fole dhe 1 krëhër me 7 fishekë në të.

 

Në vijim të veprimeve, pas kryerjes së testimit, 45-vjeçari rezultoi nën efektin e alkoolit, duke shtuar rrezikshmërinë e mbajtjes pa leje të armës, për jetën e qytetarëve dhe sigurinë në komunitet”, bën me dije policia.

Leave a Reply

Your email address will not be published.