Deputetët e partisë socialiste Ulsi Manja dhe Vasilika Hysi dolën në një konference për shtyp për të sqaruar edhe një here akuzat e PD-së në lidhje me ndryshimet në Kodin e Procedurës Penale, që sipas selisë blu kanë favorizuar mos ekstradimin drejt Italisë të Agron Xhafajt, vëllait të ministrit Xhafaj.
Manja dhe Hysi thanë se neni 491 i Kodit të Procedurës Penale nuk u falsifikua sic pretendon opozita, por u përafrua sipas kërkesave te Bashkimit Europian.
Dy deputetët e PS-së, akuzuan opozitën se gjithcka e bën në funksion të bllokimit të negociatave me BE-në.
