Nënkryetarja e Kuvendit, Vasilika Hysi deklaroi se kapja e drejtësisë nga politika duhet të marrë fund.
Nga foltorja e Kuvendit, Hysi tha se kjo gjë duhet të marrë fund pavarësisht se reforma po pengohet dhe po hidhet baltë mbi të.
Sipas Hysit, të gjithë prokurorët e gjyqtarët do të vlerësohen me qëllim që të kthehet besimi tek drejtësia I qytetarëve shqiptarë.
“Qytetarët shqiptarë për fat të keq për 30 vjet nuk kanë pasur një drejtësi të pavarur, por të kapur nga pushtetet. Kjo gjë duhet të marrë fund njëherë e mirë. Kjo arrihet përmes reformës në drejtësi. Kjo reformë, jetike për drejtësinë e shqiptarëve dhe për zhvillimin e Shqipërisë, pengohet dhe mbi të hidhet baltë. Do të ketë proces vlerësimi për cilindo që konkurron për të hyrë në procesin e drejtësisë së vendit, për të kthyer njëherë e mirë besimin e qytetarëve shqiptarë në drejtësinë e pandikuar”, tha Hysi.
