Koordinatori i Kosovës për dialogun me Serbinë, Skënder Hyseni pritet të takohet këtë të hënë me sekretarin amerikan të shtetit, Majk Pompeo dhe përfaqësuesin special të SHBA-së për Ballkanin Perëndimor, Methju Palmer, në Uashington.
Ai do të diskutojë me diplomatët amerikanë për koordininim e procesit të dialogut Prishtinë-Beograd.
Vizita e Hysenit në Uashington vjen në një kohë që bisedimet e ndërmjetësuara nga Bashkimi Europian kanë reflektuar qëndrime aspak të përafërta në të dy raundet e përballjes në nivel ekspertësh.
Kosova këmbëngul që në marrëveshjen përfundimtare, Serbia të njohë Kosovën si shtet, gjë të cilën Beogradi e kundërshton.
