Hyri në një mobilieri nën kërcënimin e thikës dhe vodhi një automjet, arrestohet 32-vjeçari në Tiranë

Iljaz Lufta, 32 vjeç është arrestuar nga policia e Tiranës pasi ditën e djeshme hyri në një mobilieri nën kërcënimin e thikës dhe vodhi  çelësin e një automjeti i cili ishte i parkuar në hyrje të mobilerisë.

Policia e Tiranës njofton se 32-vjeçari, banues në Durrës pasi vodhi makinën e kishte braktisur në rrugën “Babë Rexha”.

“Vodhi me dhunë një automjet, kapet dhe vihet në pranga 32-vjeçari.

Shërbimet e Komisariatit të Policisë Nr. 2, në vijim të punës për garantimin e sundimit të ligjit në territor, ditën e djeshme, pas informacionit të marrë se në bulevardin “Bajram Curri”, një shtetas kishte hyrë në një mobileri dhe në kërcënimin e një mjeti prerës, ka vjedhur çelësin e një automjeti i cili ishte i parkuar në hyrje të mobilerisë, kanë organizuar punën për identifikimin dhe kapjen e autorit të dyshuar.

Si rezultat i hetimeve të shpejta hetimore dhe profesionale të kryera nga specialistët për Hetimin e Krimeve të Komisariatit të Policisë Nr. 2 është lokalizuar dhe arrestuar shtetasi I. L., 32 vjeç, banues në Durrës.

Ditën e djeshme, ky shtetas dyshohet se ka hyrë në një mobileri dhe në kërcënimin e një mjeti prerës, i ka vjedhur një shtetasi çelësin e automjetit të cilin e kishte parkuar në hyrje të mobilerisë. Automjeti u gjet i braktisur në rrugën “Babë Rexha” dhe u sekuestrua në cilësinë e provës materiale”, njoftoi policia./vizionplus.tv