Hynin e dilnin në shtëpi për të blerë drogë/ Kapet tregtari shqiptar në Itali

Një tregtar droge nga Shqipëria u vu në prangat e policisë italiane. Mediat fqinje shkruajnë se për të arrestuar 29-vjeçarin, shtëpia e tij është mbajtur për ditë me radhë nën vëzhgim.

Efektivët vunë re se në banesë hynin e dilnin vazhdimisht njerëz, disa prej tyre edhe të mitur. Policia ndaloi një 24-vjeçar duke dalë nga parkimi i godinës, i cili kishte blerë një dozë kokainë.

Pas kësaj, u krye kontroll në banesën e shqiptarit 29-vjeçar, duke gjetur 20 gram kokainë, disa doza marijuana dhe 200 euro para.