Humbja ndaj Barcelonës, Thomas Müller uron katalanasit dhe Hansi Flick për rezultatin

Thomas Müller ka qenë protagonist i fitoreve të fundit të Bayernit ndaj Barcelonës dhe gjermani ka festuar në mënyrë të egër dhe madje me njëfarë talljeje, secilën fitore të skuadrës së Mynihut ndaj katalanasve.

Pas humbjes 4-1 në Montjuïc ai tashmë kishte disa fjalë urimi në deklaratat e tij pas ndeshjes, një mesazh që donte ta përcillte në rrjetet e tij sociale.

“Urime FC Barcelona dhe ish-trajnerit tim Hansi Flick për fitoren e tyre kundër nesh. Të jem i sinqertë nuk dua ta analizoj shumë ndeshjen. Ne qëndrojmë së bashku si ekip dhe fokusohemi në ndeshjen tonë të radhës të dielën”, tha futbollisti. /vizionplus.tv