Rëndohet bilanci i viktimave në Maqedoninë e Veriut. Në 24 orët e fundit raportohet për katër të infektuar të tjerë që kanë humbur jetën.
Ministria e Shëndetësisë bëri me dije se në total janë infektuar 1.858 persona ndërsa kanë ndërruar jetë 110 pacientë.
Komisioni i Sëmundjeve Infektive i ka rekomanduar qeverisë që të vendosë masa kufizuese prej 58 orëve për ditët e festive të Bajramit dhe të Shën Klimentit, dy festa këto që shënohen të dielën (24 maj) dhe të hënën (25 maj).
Ministri i Shëndetësisë, Venko Filipce tha se një propozim i tillë është dorëzuar në Qeveri, pasi në periudhën e kaluar masat nuk janë respektuar gjë që ka çuar në rritjen e rasteve me COVID-19.
