Pas vdekjes së futbollistit të Egnatias, Raphael Dwamena ka nisur hetimet edhe Prokuroria e Durrësit. I riu dyshohet se pësoi atak kardiak gjatë ndeshjes kundër Partizanit në stadiumin e Rrogozhinës. Sipas burimeve, autopsia pritet që të ndihmojë hetuesit për më shumë detaje mbi shkaqet që i morën jetën futbollistit në fushën e gjelbërt.
Të njëjtat burime theksojnë se janë sekuestruar të gjitha kartelat mjekësore të lojtarit në Federatën Shqiptare të Futbollit dhe në klubin e Egnatias për të parë nëse janë raportuar më heret probleme shëndetësore të tij. Gjithashtu janë pyetur edhe mjekët që kanë asistuar në analizat e tij. Këta të fundit janë shprehur se analizat qe prej janarit kur ai ishte në vendin tone kanë dale sipas normave të lejuara.
Rafael Dwamena, kapiteni dhe njëkohësisht golashënuesi i spikatur i Egnatias ndërroi jetë në spitalin e Kavajës pak minuta pasi ishte shembur në tokë në mënyrë të papritur në ndeshjen Egnatia-Partizani. Në vitin 2017 nisi kalvari i problemeve shendetesore të tij. Në 2019 mjeket i sugjerojnë terheqjen e menjëhershme nga futbolli, por sulmuesi nuk pranon dhe 1 vit më vonë vendos edhe defribilator në zemer, aparat që gjithsesi nuk e mbron nga goditja e radhës në zemer në 27 tetor 2021 në një ndeshje të kupës së Austrisë kur ai luante për Linz. Pavarësisht se e dinte rrezikun që i kanosej Dwamena u transferua tek Egnatia në superioren shqiptare në janar të këtij viti.
