Një aksident ka ndodhur në autostradën Vlorë-Fier. Një kamion ka humbur kontrollin gjatë qarkullimit dhe ka përfunduar në tokat pranë rrugës.
Si pasojë e përplasjes është përfshirë nga flakët kabina e kamionit. Fatmirësisht shoferi ka mundur të dalë në kohë dhe nuk është lënduar.
Ngjarja ka ndodhur pranë fshatit Mifol, ndërkohë në vendngjarje kanë mbërritur forcat zjarrfikëse të cilat po shuajnë flakët e kamionit.
Kamioni ishte ngarkuar me rërë bituminoze në Selenicë .
Shkak i aksidentit ka qenë goma e cila ka pësuar defekt , çarje dhe për pasojë ka humbur kontrollin, ndërsa është përfshirë nga flakët.
