Humb jetën tragjikisht 67-vjeçarja në Tiranë, ra aksidentalisht nga tarraca e banesës

Një ngjarje e rëndë ka ndodhur pasditen e kësaj të shtune në rrugën “Fadil Deliu”, në kryeqytet.

Një 67-vjeçare, e identifikuar me inicialet S.Ç ka humbur jetën, pasi dyshohet se ra aksidentalisht nga tarraca e banesës ku ishte duke punuar.

Grupi hetimor ndodhet në vendngjarje dhe po punon për sqarimin e rrethanave të ngjarjes.