Ish-zëvëndësndihmësi i sekretarit amerikan të Shtetit, Brian Hoyt Yee ka deklaruar se takimi i presidentëve të Kosovës dhe Serbisë me kancelaren gjermane, Angela Merkel dhe presidentin e Francës, Emmanuel Macron, nuk është vendimtar për dialogun, por është një shans për të biseduar
“Librat e historisë në Ballkan janë plot me momente ‘tani ose kurrë’. Mendoj se takimi në Berlin nuk është një prej tyre, por është një shans. E vlerësoj Gjermaninë dhe vendet e tjera që vazhdojnë të organizojnë takime të tilla, në të cilat flitet për hapat e ardhshëm”.
Ndër të tjera Hoyt shpreson se në Berlin do të diskutohet sinqerisht dhe në detaje për hapat e ardhshëm të Serbisë dhe Kosovës dhe se do të bëhet përparim.
“Mendoj se ideja për ndarje të territoreve në vija etnike nuk është e mirë, as pragmatike, as politike, as diplomatike. Nuk është diçka për të cilën duhet folur”, tha Hoyt Yee, transmeton Zëri i Amerikës.
Diplomati amerikan po ashtu ka Theksuar se Serbia duhet të vendosë “nëse do që të ulet në karrigen ruse apo atë evropiane”.