Sekretari i Partisë Demokratike për Diasporën, Indrit Hoxha është shprehur kundër vendimit të Ilir Alimehmetit për tu tërhequr nga gara kundër Belind Këlliçit.
Sipas tij, garës duhej t’i shkohej deri në fund edhe për të legjitimuar kandidatin zyrtar.
“Garave politike duhet t’ju shkohet deri në fund. Normalisht për t’i dhënë edhe legjitimitetin e duhur kandidatit zyrtar, duhet të kryhej edhe procesi i balotazhit. Gjithsesi ky ishte vendimi i kandidatit Alimehmeti, mbase mund të jetë më i vlefshëm si nënkryetar, me sa dëgjova.”
Indrit Hoxha, tashmë edhe kandidati zyrtar i PD për Bashkinë Vorë tha se, beteja për bashkinë Tiranë nuk duhet humbur në asnjë mënyrë.
