Hoqi fotografinë e Thaçit/ PDK akuza Osmanit: Veprim primitiv

Partia Demokratike e Kosovës reagoi ashpër pas veprimit të kryeparlamentares Vjosa Osmani, që hoqi fotografinë e presidentit Hashim Thaçi nga zyra. PDK e quajti këtë akt një veprim primitiv dhe akuzoi Osmanin se ka shkelur Kushtetutën.

 “Vjosa Osmani, e zgjedhur natën dhe me votat e Listës Serbe, ka shkelur rëndë ligjin NR.03/L-132 Për Protokollin e Shtetit të Republikës së Kosovës duke hequr fotografinë zyrtare të Presidentit. Zbatimi i ligjit nuk varet nga dëshirat e askujt pavarësisht bindjeve politike dhe këtë gjë ajo duhet ta dijë mirë si eksperte dhe ligjëruese e jurisprudencës. Me veprimin e saj primitiv, kryekuvendarja e zgjedhur në mënyrë të dyshimtë, Vjosa Osmani përfaqëson mentalitetin e vjetër që synon hakmarrjen dhe përçon gjuhën e urrejtjes dhe përçarjes së qytetarëve.”

Sapo mori detyrën e kryetares së Kuvendit të Kosovës, Vjosa Osmani hoqi nga zyra fotografinë e Hashim Thaçit duke e zëvendësuar me atë të Ibrahim Rugovës.