Hong Kongu ndodhet në kaos. Mijëra protestues u mblodhën në universitetin Kinez, ndërsa mijëra efektive policie u vunë në gadishmëri.
Këtë të mërkurë protestuesit antiqeveritarë u përleshën me policinë, duke detyruar uniformat blu të përdorin gazin lotësjellës dhe plumbat e gomës për të neutralizuar turmën e dhunshme, pasi këta të fundit hodhën bomba me benzinë.
Përleshje masive u shënuan edhe në pjesë tjera të qytetit.
Universitetet si dhe shkollat e mesme janë kthyer në shesh beteje. Byroja e Arsimit njoftoi pezullimin e mësimit deri të enjten për shkak të trazirave.
Edhe transporti public është pezulluar.
Përshkallëzimi i dhunës në universitetet e Hong Kongut u rikthye pas vdekjes së një studenti 22 vjeçar, gjatë një operacioni të policies, duke shënuar kështu viktimën e parë që nga nisja e protestave antiqeveritare.
Tubuesit janë të zemëruar nga vdekja e studentit dhe janë betuar se policia do të shlyejë “borxhin e gjakut”.
Biznesmenë në qytet gjithashtu I janë bashkuar protestave masive të studentëve, ndërsa bëjnë thirrje për të mbrojtur të rinjtë e Hong Kongut.