Hong Kong, votohet për këshillin e vendit pas protestave të dhunshme

Pas protestave që zgjatën rreth 6 muaj, banoret e Hong Kongut i janë drejtuar kutive te votimit për te zgjedhur këshillin e ri te vendit. Procesi nisi rreth orës 7 sipas orës lokale. Ajo që është vënë re në këto zgjedhje, është numri I lartë I pjesëmarrësve.

Ndryshe nga zgjedhjet e 2015-ës 4.1 milionë votues nga 7.4 në total janë regjistruar për të shprehur vullnetin e tyre këtë të diel dhe për të zgjedhur 400 këshilltarë të qytetit gjysmë autonom.

Grupet pro demokracisë po shpresojnë që të rrisin përfaqësimin e tyre në Këshill, ndërsa kandidatët pro Pekinit, u kanë bërë thirrje votuesve për mbështetje kundër protestuesve të dhunshëm që kanë shkatërruar qytetin.

Autoritetet i druhen dhunës që mund të përfshijë procesin. Grupet pro demokracisë u kanë kërkuar mbështetësve të tyre që të mos shkaktojnë përçarje.

Zgjedhjet e kësaj të diele në Kong Kong janë të parat që nga fillimi i protestave antiqeveritare në muajin qershor. Rezultati do të jetë një sprovë e cila do të shërbejë për të mësuar nëse qeveria aktuale gëzon të njëjtën mbështetje apo jo.

Sipas sistemit zgjedhor të Hong Kongut, nëse këshilltarët pro demokracisë fitojnë shumicën e vendeve, Carrie Lam mund të përballet me shkarkimin.