Ashtu si ne te gjitha përballjet e tyre gjate viteve, edhe këtë here Gjermani-Holande nuk i shpëtoi spektaklit.
Ne Hamburg, “tulipanët” përmbysën shifrat ne minutat e fundit duke triumfuar 4-2 ne takimin e vlefshëm për grupin C, një fitore e rëndësishme për klasifikimin.
U duk se do te ishte një ndeshje e lehte për “panterat” kur qe ne minutën e 9-te Gnabri kaloi skuadrën e tij ne avantazh. Por rrebeshi i golave ishte rezervuar ne pjesën e dyte te takimit.
Ne minutën e 59 De Jong ktheu gjithçka ne baraspeshe duke ndëshkuar Nojer.7 minuta me vone erdhi përmbysja e madhe kur aksioni i skuadrës së Kuman u konkretizua me autogolin e Tah.
Emocionet u bene akoma edhe me te mëdha kur te zotet e shtëpisë gjeten forcat për barazuar rezultatin. Ishte Toni Kros ne minutën e ‘73i cili mes protestave te miqve ktheu ne gol një penallti te marre nga Shulz pas një ndërhyrje te De Light.
Holanda nuk ishte me skuadra e pjesës se pare ndërsa ne te 79 shokoi tifozët e shumte vendas ne stadium kur Malen shënoi edhe golin e trete.
Skuadra e Joakim Lev e lodhur dhe konfuze ndërsa reagimet nervoze nuk e vunë nen presion aspak kundërshtarin qe ne minutën e 91 me Vijnaldum shënoi edhe golin e katërt duke i hequr çdo shprese gjermaneve për te marre te paktën barazimin ne këtë përballje.
Ne krye te grupit për çudinë e te gjithëve qëndron Irlanda e Veriut me pike te plota 12 ne katër ndeshje, e ndjekur nga Gjermania me 9 e me pas Holanda me 6 pike.
