Holanda e Ronald Kumanm po përpiqet të ringrihet dhe fitorja e thelle në miqësoren e luksit kundër Portugalisë mund të jetë një pikënisje e mirë. Tulipanët fituan 3 me 0 në Gjeneve te Zvicrës kundër kampioneve në fuqi të europës, duke lënë pas humbjen minimale kundër Anglisë pak ditë më parë, por mbi të gjitha duke bindur në lojë. Përfaqësuesja holandeze është në fazë tranzicioni pas mungesës ne evropian ne 2016 dhe dështimit për të marrë pjesë edhe në botërorin e Rusisë, dhe tekniku Kuman ka marrë përsipër një detyre jo të lehte për të ringritur këtë kombëtare së cilës për hir të së vërtetës i mungojnë yjet.
Sa i takon kronikës se miqësore, duhet thëne që luzitanet e nisën më mirë ndeshjen pasi patën rasti e parë më Ronaldon, por nuk vonoi shumë kundërpërgjigja e Holandës, e cila në të 12 me një kundërsulm kaloi ne avantazh me anë të Depai. Ronaldo ishte më i miri për Portugalinë, por nuk arriti dot të ishte efikas ndërsa Holanda shfrytëzoi në maksimum rastet që iu dhanë duke dyfishuar shifrat në minutën e 32 me anë të Babel. Fundi i pjesës së parë solli dhe kapitullin e kampioneve të euriopës të cilët u ndëshkuan me golin e trete nga mbrojtësi Van Dijk. Pak episode në pjesën ë dytë, ku vlen të theksohet edhe kartoni i kuq i luzitaneve për Joa Cancelon.
