Kryetari i Kuvendit të Kosovës, Kadri Veseli ka takuar presidenten e senatit të Holandës, Ankie Broekers-Knol, ku ka kërkuar mbashtetjen e saj në procesin e liberalizimit të vizave për qytetarët e Kosovës.
Ndër të tjera në këtë takim ai ka deklaruar se, Kosova i ka plotësuar të gjitha kushtet dhe se ky shtet e meriton lëvizjen e lirë në zonën Shengen.
“Vizitat nëpër vende të BE-së, sikurse kjo e tanishmja në Holandë, kanë të bëjnë me përpjekjet tona për t’i bindur instancat më të larta shtetërore të këtyre vendeve që të ushtrojnë ndikimin e tyre pozitiv për liberalizimin e vizave. Holanda është një nga mbështetëset kryesore të vendit tonë, e cila e ka njohur pavarësinë që në fillim dhe tani është investuese permanente në shtetndërtimin dhe progresin në Kosovë”.
Ndërkaq nga ana tjetër kryesenatorja holandeze, Ankie Broekers-Knol, ka shprehur mbështjetjen e Holandës për Kosovën në procesin e integrimeve evropiane.
