Historike/ Kosova voton krijimin e Ushtrisë

Parlamenti i Kosovës voton këtë të premte vendimin për krijimin e Ushtrisë kosovare.

Në një postim në “Facebook”, kryeministri Kosovës, Ramush Haradinaj pak para votimit deklaroi se më në fund po vendoset një e drejtë e natyrshme për të gjithë shtetasit kosovarë.

Me shpresën se Kosova do të jetë pjesë e NATO, Haradinaj theksoi gjthashtu se ushtria kosovare do të jetë përherë aty ku mbrohet jeta, dinjiteti dhe integriteti I njeriut.

“Mirëmëngjes miq, Edhe pak çaste na ndajnë nga votimi historik për krijimin e Ushtrisë së Kosovës. Sot, kur ne po vendosim në vend një të drejtë të natyrshme, zotohemi të shikojmë përpara në paqe, me të gjithë ata që jetojnë me ne, në shtëpinë tonë të përbashkët. Me synimin që të jemi pjesë e paktit të NATO-s, ushtria jonë do të jetë përherë aty ku mbrohet jeta, dinjiteti dhe integriteti i njeriut. Aty ku përkasim, përgjithmonë!”