Kryeministri Edi Rama në një intervistë për TG1 zbuloi momentin kur homologia e tij italiane, Giorgia Meloni mësoi për turistët që u larguan pa paguar në një restorant në Berat.
Kreu i qeverisë në një intervistë për gazetarin Matteo Alvitin tha se ai ja tregoi homologes së tij videon për shaka, ndërsa shton se Meloni e mori me seriozitet situatën dhe urdhëroi ambasadorin për të paguar faturën.
“Unë ia tregova këtë gjë për të qeshur pak dhe të gjithë rreth saj u shkulen se qeshuri, por ajo u ngrys ne fytyre. U kthye nga Ambasadori: “Ju ambasador duhet të paguani atë faturë dhe të bëni një komunikim dhe të kërkoni falje sepse këta janë të turpshëm, dhe unë, ata që janë turpi i Italisë nuk i pranoj” i tha me atë dialektin e vet fantastik roman”, tha Rama.
Kujtjmë se situata e 4 turistëve italianë që u larguan pa e paguar nga një restorant në Shqipëri është bërë temë debati politik në Itali. Fatura u pagua nga Meloni, ndërsa pronarët e restorantit në një reagim bënë të ditur se do i ruajnë ato lek si kujtim dhe kundër syrit të keq.
